2014年8月23日 星期六

對貴金屬的一些新想法

最近環球的經濟環境及發展方向,從利息走勢、經濟數據,以至國際政冶、均對黃金價格不利。而很多技術分析亦指出金價向下走機會頗大,所以市場一致看淡金價。

利好指標唔係冇,只係少,而其中之一,就係金價 monthly MACD 經過三年多的調整後,快將由負值變為正值。從這一點來看,金價上升力量是愈來愈強,而非愈來愈弱。而月線的走勢一旦確立,是很難突然轉向的。此外,金礦股走勢亦遠較金價強,所以我估未來數月金價反而有可能會大幅上升而非下跌,但之後會否再創新低則說不定。

但我對投資黃金的熱誠則肯定大不如前,即唔再會同佢賭身家。大方向的判斷:即濫發貨幣終必引發前所未見的全球金融大災難的看法並無改變,但應付策略則和以往看法不一。在災難發生前後,儘管金價可能瘋狂爆升,但亦只屬短暫的條件反射,就算黃金叻到可以被「結構性」re-rate,維持在高位而不大幅回落,價格亦不可長期維持高增長。畢竟災難過後,新的貨幣制度自然會建立起來,世界仍然會繼續運作,而推動經濟發展及財富增長,則永遠只能靠商業投資活動,所以擁有income-producing assets,永遠是創造財富的最佳方法。

拃重冇利息嘅黃金去等一個唔知幾時會發生嘅災難而去獲取暴利 Vs 拃重有強勁現金流且能惠及股東的優質企業/資產,在唔知幾時會發生嘅災難時業務(盈利)雖然會受短暫重創,但長遠總能不斷創造財富,兩樣俾我揀去落重注,似乎第二個選擇好D wor。

3 則留言:

  1. 作者已經移除這則留言。

    回覆刪除
  2. 我都認為唔應該將全部錢用來投資貴金屬,始終呢個世道仲係用錢來生活,但我個人還是會使用少部份資金購買金、銀,作為保存財富的其中一種途徑。

    回覆刪除
  3. 冇錯,長拃少少作保險冇壞,range trade 都ok, 瞓身長拃就無謂。

    回覆刪除