2013年2月2日 星期六

鉑金的啓示

Monthly Price Performances  (每月價格表現) 2013
 GLDSLVPPLTGDXGDXJFNVSLW1818.HK 2800.HK
YTD(0.4%)4.8% 9.5% (9.0%)(3.2%)(5.2%)(1.5%)(5.0%) 4.6%
           
Jan(0.5%)3.6% 8.9% (10.3%)(4.5%)(6.5%)(3.4%)(3.5%) 4.8%

一月金銀價格的表現乏善足陳,反而鉑金因為南非礦業"又"受勞工問題困擾而大漲。我翻查紀錄,原來多年來幫我賺得最多錢嘅貴金屬竟然係鉑金,而唔係最重倉嘅白銀或買得最早嘅黄金!點解會咁?我估係因為我對鉑金完全冇感情,每次買賣純萃睇圖同睇市場氣氛,冇話"一定要買,唔買驚走寶"嘅心態,所以往往可以慢慢等佢個價跌到好殘先買入,而當升勢停滯或感覺唔好時,又冇硬係要長揸到尾,死都唔肯賣嘅壓力,而可以果斷地出售獲利,最正係隔一排又玩過!相反對金銀則太有感情,成日驚買遲咗,明明未跌夠就撲入去買貨,驚死輸唔切咁;到明明要清倉(好似2011年三月尾嘅白銀)時,又有太多"要長揸唔肯放"嘅無謂壓力,同盲目地高估自己坐貨能力,搞到永遠只賺得蠅頭小利。

如果我每個買賣都可以好似買賣鉑金咁冷靜同灑脫,咁我就掂囉!

嘗試吓用買賣鉑金嘅思維去睇睇貴金屬現况:金銀價並非超殘,亦唔見有乜因素另資金突然要追捧佢,同其它資產(如非貴金屬股票)比並非特別吸引。但金/銀礦股則超殘,咁當然殘係有原因,因為去年大部份金礦股業績都非常差(成本上升遠高於產量同售價嘅上升),投資者避之則吉。但所有行業都有循環,最重要係只要一樣嘅係有價值,始終有發威嘅一日。如果黄金先係最終財富,咁gold mining business 真係一個絕頂好嘅business。我上月講過將來再買金礦股之前要問吓自己:世上千千萬萬隻股票,真係無其它股票可以買,只可以買佢?咁佢哋依家跌到咁鬼殘,又真係好鬼抵啝,所以一月加碼買金礦股。

另外,俾阿Bill叔嚇一嚇,上月將持有嘅白銀開放式ETF轉換成封閉式(closed-end)ETF,當時基金價格只有1.5%溢價,我諗自己走出街買實銀都肯定冇咁低溢價啦吓話?!

成本計總投資組合資產分布:
貴金屬: 37% (其中實金及實物ETF: 23%;金/銀礦股: 14%)
非貴金屬資產: 53%
現金: 10%

市值計總投資組合資產分布:
貴金屬: 36% (其中實金及實物ETF: 22%;金/銀礦股: 14%)
非貴金屬資產: 54%
現金: 10%

沒有留言:

張貼留言