2012年10月2日 星期二

如果

Price Performances 2012
 GLDSLVGDXGDXJFNVSLW1818.HK 2800.HK
YTD13.1% 24.3% 4.4% 0.1% 54.8% 37.1% 14.1%  15.7%
          
Sep4.7% 8.7% 12.0% 14.0% 13.8% 14.8% 37.2%  7.2%
Aug4.9% 13.5% 11.9% 12.8% 6.0% 25.6% 5.2%  (1.2%)
July0.8% 1.8% (4.3%)0.1% 8.1% 2.6% (3.5%) 1.7%
Jun2.4% (1.1%)2.3% (0.6%)7.8% 5.3% 10.5%  5.2%
May(6.3%)(10.3%)(5.6%)(17.1%)(6.4%)(16.2%)(13.3%) (10.7%)
Apr(0.1%)(4.0%)(6.4%)(5.1%)4.4% (8.1%)(16.9%) 2.2%
Mar(1.3%)(6.5%)(10.6%)(12.1%)(2.7%)(13.7%)(18.5%) (4.8%)
Feb(3.0%)3.9% (1.9%)(5.8%)(2.3%)7.8% 11.0%  6.6%
Jan11.4% 19.8% 9.8% 20.0% 18.7% 23.0% 12.7%  10.3%





所謂QE3,即係Jim Sinclair講咗幾年嘅QE to infinity 。各大財經雜誌報章都一至睇好金市,投資銀行班late comers嘅金價預測則一個比一個高,金市又有全民睇好之勢(當然睇淡理論亦偶有出現,但數目不多)。金價短期內又能否再向上衝呢?畢竟金價已連升四個月。今個牛市,金價最長升浪係超過十年前嘅2001年十一月時連升六個月,跟住近十年後嘅2010年試過連升五個月,此後並未試過連升超過四個月;銀市則有四個連升五個月之紀錄。此外,雖則近兩個月金銀價升幅已甚大,但仍未升穿今年二月高位。
但無論如何,歷時一年有多嘅大調整已震走所有weak hands,貨已盡入強者手,所以價格再無大跌必要。金銀大升浪已重新展開。金價已經連續升咗十一年,並直逼第十二年,但畢竟牛市總有完結一天,總不能一個牛二拖足十幾年罷?牛二已經超額完成了。一個牛市的出現至滅亡,其間可帶動財富轉移,少部份幸運嘅人可以因而脫貧或致富;但最大之影響,則一方面為大衆市民帶嚟希望(幻想) 之餘,另一方面將佢哋嘅財富轉移至一羣小數嘅高手手中。如缺乏一個瘋狂爆升之時期,則財富將無法轉移。十二年唔算短啦,都係時候要嚟個了結,升幅最瘋狂之牛三應不遠矣(...哩句說話我好似每年都會講一次)?!
由於九月中時見金銀價格升幅已大,又驚嚟個反高潮冇QE,竟然賣出一半trading portfolio中之貴金屬獲利,結果...隔日就宣報QE3。今次真係鑄成大錯,D錢放咗落袋都要嘔番出嚟,抌心口抌到依家!耐心等待實為心理上遇到最大之困難。在價格不斷創新低之時,就一直等升,希望一手蟹貨可以早日見家鄉,但往往係等唔到,最後在絕望中於低位沽貨,然後價格見底回升,又自怨:呀! 如果肯等多陣就好喇;在價格不斷創上升時,卻又過早賣出獲利,於是唯有一直等跌,希望可以低位撈回之前賣出嘅貨,但最後往往又係等唔到,終於在瘋狂超買中高追,然後睇住價格由高位下跌,又自怨:呀! 如果肯等多陣就好喇。
不過,因為仍持有之貴金屬資產仍佔總體組合約五成,而且金銀(特別其相關股票) 九月升幅有如脫韁野馬,縱然有上述失誤,九月總投資組合回報升幅仍衰唔曬,YTD計已經將去年輸嘅錢全部贏番曬返嚟,此情景兩個月前實在不敢想像,感覺疑幻疑真。講D題外話,我有一朋友去年投資輸得好慘,但佢沈着應戰,今年嘅投資回報已達六成,其投資組合NAV更創歷史新高,但佢個組合內並無貴金屬資產。可見只要拃實D優質資產,義無反顧咁捱過一個又一個磨滅人意志嘅跌浪,驚人嘅回報可以响好短時間內出現。
當然,如果我冇過早獲利,甚至在月初時好似舊年咁勇,加碼貴金屬在總投資組合之比重到八,九成,則總投資組合之equity cure 或已可以創新高?!可惜,世上冇如果。檢討今次過失,主因心理質素仍差,如上月所述,一朝被蛇咬,十年怕草繩。縱使之前已理性地分析金市今年九月價跌機會不大,况且今年金價仍在相對低位,跟去年在歷史高位時嘅風險管理理應不一樣;但自己卻仍活在去年九月貪勝不知輸結果另身家一個月內暴瀉四份一之陰影中,未能擺脫心魔,唔可以放膽賭大D。以往失敗教訓無疑要記住,但投資要向前望,做人更要靈活變通,隨機應變,唔可以只望住倒後鏡開車。投資要膽大心細,真係好難,好難。




沒有留言:

張貼留言