2012年5月2日 星期三

十年人事幾番新之三:發個白銀(日)夢!

如果你有留意開黃金,但你窮但又好想脫貧,咁你九成九會更加關心白銀。白銀叫得做 the poor men's gold,因為佢夠平,但更重要係upside 夠大,俾到大眾一個夢想!

白銀嘅吸引力,在於你睇完佢由1971年到1980年嘅價格走勢圖之後,你會覺得响今個牛市,白銀亦同樣可以升番三,四十倍,甚至更多,而同時你又覺得自已會好醒咁响最高位沽貨離場,絕對唔會重覆當年班喪失理性嘅投資者死揸唔放,由贏變輸嘅悲慘結果。

咁我當然都想發番個白銀夢啦!個人窮吖嗎,發唔到達就唯有發夢囉。响2003年10月,當時尚未有 silver ETF出現,所以我走咗去買隻大型銀礦股當 proxy,當時銀價係US$4.92一安士。可惜我犯咗同買黃金時一樣犯嘅錯誤,就係冇 sit tight。所以呢,我仲未發達囉!

浮沈銀市近十年,大錢又唔係好揾到。操作上最大嘅教訓,就係要 back to basic。Silver itself is able to give you a high enough return (if all you want is money) and volatility (if all you want is thrills) by any standard,所以實在冇必要為追求更高回報而去忍受過大嘅壓力同分析工作而拃重銀礦股;而 terminal values 指向零嘅 leveraged ETF就更加唔好掂,賭性太強堅持要玩的話,都唔好重注兼必需短炒。我當年個隻股票如果揸到今日,都只係升咗4倍,但同期銀價以經升咗接近7倍。邊個話股票一定跑贏?相反,2008年金融海嘯時,好多高質素嘅銀礦股都跌足九成,根本就守唔到,但銀價就"只"係跌六成,相對上易坐好多。

但我體會最深嘅,就係明白何謂: You have to see it to believe it! 當年銀價仲係五蚊樓下,一班最牛評論員話銀價可以見US$10。我心諗:唔係吓話,升一倍,你講嘢ar?有得廿零,三十個%升幅我都肥仔啦。結果呢?係十倍,升足十倍!當日如果有人敢講白銀十年內會升十倍,我一定會講粗口話佢係癲嘅。但十年後,我識講never say never。你話銀價會再升十倍,或者已經見頂會跌淨十份一,我都唔敢再話冇可能,因為無嘢係冇可能。

進進出出,高買低賣,我懷疑我多年嚟放响白銀上嘅資金嘅總回報究竟有冇一倍。捉到鹿唔識脫角,after all these years,I still can't get over it. 依家唯有選擇繼續發夢,希望唔好咁快醒,因為一覺醒來又係只得一場空?!

沒有留言:

張貼留言