2012年4月13日 星期五

十年人事幾番新之二:實金

感謝 interent,所有關於黃金嘅問題,全部都可以响網上免費揾到答案。睇完一輪資料,""係做完"研究"最後決定去馬,買!....咪住!...咁究竟點買法呢? 當時係2002年,未有ETF倫敦金同期金因為要用 margin,所以一定唔會玩;開始時又冇諗過開美國股票户口買北美金礦股,而紫金 (2899) 又仲未上市 (你話幾耐世紀前呢)!?咁所以選擇就只有實金同紙黃金。可能因為我覺得自己係一個股票人,好自然咁就諗就一定要買賣方便(好明顯就冇諗過長揸);實金買賣麻煩,買完又唔知要放响邊,所以完全冇考慮過實金,直接走咗去買紙黃金。唉!...咁就中招啦,因為買賣紙黄金實在太方便。
Record keeping 嘅好處就係可以睇返自己以往做過嘅蠢事。翻查記錄,第一個交易時為2002531日,買入黃金10兩,買入價為每兩HK$2,951。如果個故事响哩度就完咗,咁就太完美啦...可惜...四個半月後,即20021015日,我唔記得咗乜嘢原因,可能係等得太悶啦,我賣出咗黃金10兩,賣出價為每兩HK$2,953。冇錯,我第一筆黄金交易,賺咗廿蚊!!!三個月後,我又唔記得咗乜嘢原因,總之响2003123日,我又買入黃金十兩,買入價為每兩HK$3,377 (即係比三個月前賣出價高14%)...如是者,就展開咗我嘅黃金之旅。在往後八年幾中,又買又賣,進進出出,有時低買高賣,有時就高買低賣,有時拃唔夠兩日就走,有時坐足半年,但硬係坐唔定,但走咗又忍唔住要返番轉頭。總之就欲斷難斷,難捨難離,搞足八年幾,到舊年初先痛定思痛,下定决心要死拃實個 core portfolio
牛市美妙嘅地方就係,就算你有再差嘅 trading skills,再差嘅 market timing,再差嘅分析能力,as long as 你留低唔走,就都會有錢賺。不過,相比起在牛市buy and hold 可以累積到嘅驚人財富,買買賣賣所能賺到嘅只能係蠅頭小利,根本微不足道。如果我十年前買嘅十兩黃金係實金的話,我肯定我依家都仲會拃住嗰十兩金。因為實金買賣太煩,而且有實物在手,睇得到又摸得到,起碼知道自己買咗D乜,感覺會實在好多,會有種好強嘅 sense of ownership,咁自然就冇咁易想賣,原理同買樓,或股票提貨一樣!相反,當你嘅資產已被電子化,交易只在一click之間,咁偶然嘅一日暴瀉,或唔知點解有日悶得滯兼手痕,都好易會"跌"咗D貨,日後回頭一望就後悔莫及。我都費事去計哩咁多年嚟賺少咗幾錢啦!

當然,總有人可以對住D模疑/虛疑/電子貨都一直坐得好穩,倒如以前講過,坐足近十年嘅真人真事,但畢竟主觀及客觀條件太多,並非人人能做到。

但到咗今時今日,我都仍然係以 ETF及金/銀相關股票為主,好少實金,因為咁多年嚟交咗咁多咁貴嘅學費,任何大少調整或驚嚇場面都再震唔走我D貨 ga la。

至於持有實金的最大好處:冇 counter-party risk,則不在此討論之列。要睇有闢嘅詳細分析,當然係要去 <金甲蟲之路> 網誌啦!

沒有留言:

張貼留言