2012年1月8日 星期日

心境平靜

2010年十二月底,金價連升五個月,足足升咗兩成,直正係勢如破竹。當全世界諗住哩個咁強嘅升勢會一路繼續到下一年初時,點知...立即嚟個反高潮!金價由2011年第一個交易日起連跌五日,跌足一個星期,成個月更冇咗6.4%。

一年後,2011年十二月底,金價由四個月前高位跌咗兩成,單單十二月一個月內就跌咗10.7%,係哩個十一年長嘅黄金大牛市中第三大單月跌幅 (之前兩個係08年10月嘅下跌16.1%,同2011年9月嘅11.1%)。十一年中三大單月跌幅有兩個係响2011年最後四個月內出現,你話慘唔慘。睇番上個月自已寫嗰D嘢,就知自己當時簡直係悲觀到極點,預咗要欖住D金銀去等死咁款...結果呢?由上年最後一個交易日起,金價連升四日。What a surprise? really?

金銀價是否如班永遠睇升嘅啦啦隊咁希望已經見底回升呢?定好似 Jim Sinclinar 不點名批評嘅 Martin Armstrong 話齋跌到去$800都未使驚呢?其實,既然覺得黄金牛市未完 (因為Bull Market Tops Form In the Context of Greed and Euphoria, Not Fear and Despair),bull 3 is ahead of us,咁一切嘅下跌都應視作調整,所以我都係會死揸ga la,估咁多做乜吖?

去年大致上都拃得個 core portfolio 好穩 (雖然 trading portfolio 則高買低賣,輸得一敗塗地),但係心情仍然會受到金銀價格上落影響;跌價時雖能死拃唔放,但仍難免會哭吓股喪,發洩一吓。今年要改善嘅,係要學習控制心情嘅起伏,要時刻保持心境平靜。實際上如何去達成哩個目標呢?仲諗緊,要慢慢諗,更要邊做邊諗,希望能從不斷嘗試及檢討中揾到方法。

沒有留言:

張貼留言