2011年7月28日 星期四

剪報

Sit tight in a bull market實在不易,因為沿途不斷會有人,包括好多人傳媒等等話你係錯嘅,如果意志唔得堅定就會俾人震走。咁當然事後會發覺班友原來係明燈,可惜已經誤信流言輸咗錢啦!其實每次遇上金價調整時,總會睇到啲反黃金,一味睇淡嘅評論。我有一個習慣,就係精選其中啲至荒唐,至無知嘅廢話評論或預測,印出嚟保存好佢,或者save
响部腦度。
 

做剪報好處好多,首先,到下次黃金再創新高時,攞番一個咁富娛樂性嘅file出嚟,將哩班傻人當日嘅荒謬言論當笑料咁睇,絕對可以為沉悶嘅生話加添色彩"!其次,再等到下一個大調整時,啲危言聳聽嘅睇淡言論又會突然由四方八面湧出嚟,如果哩個時候攞番啲剪報出嚟,再對比眼前嘅睇淡言論,立時會有種似曾相識嘅感覺,咁個人就當堂會定好多,對於眼前啲睇淡嘅廢話只會一笑置之,可以安心咁去面對又一個調整,因為記得番自己原來
been there, seen that!
 

咁怕唔怕愈剪愈多呢?唔怕啝,因為剪剪吓可能已經再冇興趣剪落去,因為一來手上儲起嘅笑料已經太多,况且相同嘅笑話聽得多都唔好笑啦!

沒有留言:

張貼留言