2011年6月8日 星期三

保持冷靜 and 始終都走唔甩

睇返五月廿一日篇blog, 我話 "...但唔駛咁興奮以為見咗底,場杖應該有排未打完啝...話明係浴血戰,牛熊雙方必定互有勝負..." "...往後就會一刀一刀劏落去..."當時金價剛跌完鑊勁嘅然後企穩吓,我驚仲未跌完,所以對後市睇法仍較保守。

好喇,一個星期後金價大反彈,成個人突然好擴奮,睇法突然變得好樂觀,所以廿九日篇blog話"...如下週升勢繼續,金價創新高指日可待。好明顯我之前睇法似乎太保守。"
結果係點?六月一日立即開始跌。見升就望升,見跌望跌,見樹不見林,未能抽離市場,太容易受價格影響去作判斷。失準!

其實太悲觀或太樂觀都冇乜好處。應該要時常保持頭腦冷靜,唔好受市場氣氛影響,因為咁先可作出正確嘅分析同判斷。

咁依家點睇呢?六月到依家嘅走勢,特別係金礦股,完全就係之前所講嘅"...一刀一刀劏落去..."。每日跌D每日跌D,個portfolio 嘅NAV就日日創新低,因為低處原來未算低。凌遲哩個酷刑始終都走唔甩,因為一個人唔承受連綿不絕嘅痛苦係唔會咁輕易放棄嘅。你唔放棄個市又點會升呢?

沒有留言:

張貼留言