2011年4月22日 星期五

明燈王保證今個升浪之大會超出好多人預期!

今日睇報紙睇到兩篇轉載嘅外國評論都同時睇淡黄金。兩篇嘅內容唔駛提啦,班友完全就係無知,嚴重behind the curve,可以不理。
重點係歐美好多主流傳媒因為對黄金嘅無知而仍然極之鄙視黄金。傳統智慧話當雜誌封面叫你買股票就係股市見頂之時,咁哩兩篇嘢即係話我知黄金超級大牛市不但有排未完,直情係保證今個升浪之大更會係超出好多人預期。雖然我覺得今個升浪(持別係白銀)以經升得好過籠,但分析最緊要客觀,哩D睇淡黄金嘅評論係重要嘅反向指標,幾乎萬試萬靈。
不可不提,一份老外財經大報就一向都敵視黄金,黄金升足咁耐佢睇淡咁耐,簡直係超級"明燈王"!錯足咁耐都唔反醒吓仲敢寫落去,直係服咗佢。不過咁,佢唔定時定候整D笑料出嚟娛樂大家,我又點會咁肯定黄金超級大牛市仲有排玩呢

沒有留言:

張貼留言